2024 оны 12 дугаар сарын 30 өдрийн Сумын Засаг даргын захирамжаар төв зам дагуух замын цэвэрлэгээ , бетонон хучилттай замд халтиргаа , гулгааны улмаас зам тээврийн осол аваараас урьдчилан сэргийлж иргэд аж ахуй нэгж байгууллага, 2 дугаар хорооны айл өрхүүд оршин суугаа газрын 50 метр хүртэлх газрын цас мөсийг цэвэрлэж дууслаа.Уг ажилд идэвхитэй хамрагдсан ЗДТГ, Эрүүл мэндийн төв, Ерөнхий боловсролын сургууль, Хүүхдийн цэцэрлэг, Соелын төв, Их-Уул Дулаан ХХК, аж ахуй нэгжүүд, төрийн албан хаагч иргэд нартаа баярлалаа. Хамтын хүч хамтарч ажилласан та бүхэндээ ажлын амжилт хүсье.

Аймгийн Засаг даргын баталсан удирдамжийн дагуу сумын өвөлжилт, хаваржилтын нөхцөл байдалтай танилцаж, төрийн байгууллагуудын үйл ажиллагаа болон тэдэнд тулгамдсан асуудлуудыг сонсож, цаашид хийж хэрэгжүүлэх арга хэмжээний талаар байгууллагуудын удирдлагуудад зөвлөн тусалж холбогдох үүрэг даалгаврыг өгч ажиллаж байна.

БИНХ-ын хуралдаанаар: Багийн ИНХ-ын даргалагч сонгох Багийн ИНХ-ын дэг батлах Багийн ИНХ-ын дарга сонгох Багийн Засаг даргад нэр дэвшүүлэх Багийн ИНХ-ын зөвлөл байгуулах Иргэдээс ирсэн өргөдлийг шийдвэрлэх асуудлыг хэлэлцэв. Шивээ багийн Засаг дарга Б.Мөнхбат 53,45%-ийн саналаар, БИНХ-ын дарга Д. Батцогт 55,55%-ийн саналаар Их-Уул багийн Засаг дарга С.Батболд 55,7%-ийн саналаар БИНХ-ын дарга Б.Отгонжаргал 59,4%-ийн саналаар Асгат багийн Засаг даргаар Б.Батдорж 57%-ийн саналаар, БИНХ-ын дарга Ж.Мөнхбат 53,6%-ийн саналаар Мандал багийн Засаг дарга П.Эрдэнэбилэг 72,8%-ийн саналаар, БИНХ-ын дарга О.Түмэнбилэг 54%-ийн саналаар Сэлэнгэ багийн Засаг дарга М.Хатанбаатар 55,7%-ийн саналаар, БИНХ-ын дарга Б.Ганболд 60,8%-ийн саналаар тус тус нэр дэвшүүлж, сумын Засаг дарга Б.Билэгбаярт өргөн мэдүүллээ.

Уур амьсгалын өөрчлөлтөд дасан зохицох, даван туулах, орон нутгийн боломжийг нэмэгдүүлэхэд чиглэсэн “ЭККО-ФАРМ” төсөл Хөвсгөл аймгийн Их-уул суманд 2024-2029 оны хооронд хэрэгжихээр болов. Төслийн багийн гишүүд өнөөдөр аймгийн Засаг дарга Л.Төмөрбаатар болон албаны хүмүүстэй уулзаж, төслөө танилцуулж цаашид хийж хэрэгжүүлэх ажлын талаар санал солилцов.

Хөвсгөл аймгийн замын хөдөлгөөний аюулгүй байдлыг сайжруулах, зам тээврийн осол гэмтлийг бууруулах зорилгоор аймаг, сумын ГХУСАЗС-өөс зохион байгуулсан "НОГООН ГЭРЭЛ ЦАГААН ШУГАМ" сэдэвт гар зураг, захидал, шүлгийн уралдаанд Ерөнхий Боловсролын сургуулийн сурагчид амжилттай оролцлоо. Эхний 3 байрт шалгарсан сурагчдад сумын Удирдлагууд, ГХУССЗ-ийн гишүүд шагналыг гардууллаа. Бага ангийн сурагчдын дунд зарласан "ГАР ЗУРАГ"-ийн уралдаанд 17 сурагч оролцож Тэргүүн байранд 5б ангийн сурагч Б.Ариунзаяа, Дэд байранд 5В ангийн сурагч С.Тэнгис, Гутгаар байранд 5А ангийн сурагч Д.Эмүжин, Дунд ангийн сурагчдын дунд зарласан "ЗАХИДАЛ"-ын уралдаанд 8 сурагч оролцож Тэргүүн байранд 6А ангийн сурагч М.Мөнхнаран, Дэд байранд 6а ангийн сурагч С.Цолмон, Гутгаар байранд 6А ангийн сурагч Б.Баянжаргал, Ахлах ангийн сурагчдын дунд зарласан "ШҮЛЭГ"-ийн уралдаанд 21 сурагч оролцож Тэргүүн байранд 10Б ангийн сурагч Б.Уянга, Дэд байранд 10Б ангийн сурагч Ц.Бүжинлхам, Гутгаар байранд 10Б ангийн сурагч Б.Цэлмүүн нар шалгарч, Аймгийн 2-р шатанд материалыг нь явууллаа. Хамтран ажилласан @ Их-Уул ЕБС, Цагдаагийн хэсгийн хамт олондоо ажлын амжилт хүсье.

Хөвсгөл аймгийн Их-Уул сумын иргэдийн Төлөөлөгчдийн Хурлын 2024 оны ээлжит сонгуулийн дүн болон Төлөөлөгчөөр сонгогдсонд тооцох тухай сумын Сонгуулийн хорооны 2024 оны 10 дугаар сарын 18-ны өдрийн 21 дүгээр тогтоолыг “Аймаг, нийслэл, сум, дүүргийн иргэдийн Төлөөлөгчдийн Хурлын сонгуулийн тухай” хуулийн 73 дугаар зүйлийн 73.4-т заасны дагуу Сумын Иргэдийн Төлөөлөгчдийн Хуралд өнөөдөр өргөн барилаа. Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн 46 дугаар зүйлийн 46.5-д заасны дагуу Сонгуулийн хорооноос Сумын иргэдийн Төлөөлөгчдийн хурлын 9 дэх удаагийн бүрэн эрхийн "Анхдугаар" хуралдааныг 2024 оны 11 дүгээр сарын 01-ний өдрийн 11:00 цагт Сумын “СОЁЛЫН ТӨВ”-д хуралдуулахаар товлон зарлалаа.

Хөвсгөл аймгийн Байгаль орчин, аялал жуулчлалын газар Байгаль орчин, аялал жуулчлалын яамнаас олгосон зөвшөөрлийн дагуу Хөвсгөл аймгийн Их-Уул суманд 50 бодгаль монгол тарвага сэргээн нутагшуулах ажлыг ан амьтны мэргэжлийн байгууллага болох "Агнуур судлалын нийгэмлэг" ТББ-тай хамтран амжилттай зохион байгууллалаа. ✅Тарвага нь цөлжилтөөс урьдчилан сэргийлэх, газрын хөрсийг сийрэгжүүлэх, ургамлын гарцыг нэмэгдүүлэх зэрэгт чухал үр нөлөөтэй амьтан учир бүс нутгийн биологийн төрөл зүйл нэмэгдэж, экологийн тэнцвэрт байдлыг хадгалахад ихээхэн ач холбогдолтой юм. @Байгаль орчин, аялал жуулчлалын яам @Хөвсгөл аймгийн Засаг даргын Тамгын газар @Их-уул сумын Засаг даргын Тамгын газар

Засаг даргын 2024 оны 05 дугаар сарын 30-ны А/57 дугаар захирамжаар байгуулагдсан ажлын хэсэг "Орон нутгийн хөгжлийн сан"-ийн хөрөнгө оруулалтаар нийлүүлэгдэж буй "Хогны машин"-ыг "Оттомир ХХК"-аас хүлээн авлаа.

''Бүх нийтээр мод тарих үндэсний өдөр''-ийг тохиолдуулан 2024 оны 05 дугаар сарын 05-31 -ны өдрүүдийн хооронд Их-Уул суманд үйл ажиллагаа эрхлэн явуулдаг ойн мэргэжлийн байгууллага, ойн нөхөрлөл, аж ахуй нэгж байгууллага, иргэдийн дунд зохион байгуулан ажиллаа. Уг ажлын хүрээнд 25 өрх хашаандаа 65 ширхэг мод бут сөөг тарьж, 7 аж ахуй нэгж байгууллагын 181 албан хаагчид хамгаалалтын зурвас хашаанд шинээр 200 ширхэг улиас, 50 ширхэг шар хуайс, мод үржүүлэгийн талбайд 50 ширхэг шар хуайс, Засаг даргын тамгын газрын хашаанд 6 ширхэг улаан сарнайг тарьж ногоон байгууламжийн мод бут сөөгний тоог нэмэгдүүлэн ажиллаа. Нийт 391 мод бут сөөг тарьсан.Хөрс бэлтгэх усалгаа хийх ажилд 40 литр түлш, Мод бут сөөг худалдан авах зардалд байгаль хамгаалах нөхөн сэргээх арга хэмжээний зардлаас 1.500.000 (нэг сая таван зуун мянган төгрөг)-ний зардал гаргасан.